區議會無性別視野 「常規」不合時宜

 

香港獨立媒體網於3月10日的報導指，民主黨許智峯由於會議超時，未能安排託兒服務，需要帶同女兒出席，卻被主席葉永成拒絕，議員陳捷貴指這是破壞常規，更出言不遜。

其實帶同小朋友開會唔合乎議事規則，是因為區議會一直都是男性佔有主導的位置，而且是大多數，規則制訂時，根本無關顧到女性仍然是社會上作為照顧者角色可以點樣參與在區議會，咪無定呢啲規則囉。就算男性想盡吓照顧者的責任，而家都參與唔到，俾主席話佢不合規則。

區議會在推動性別主流化有重要角色。婦委會同勞福局既錢好大部份去咗區議會,透過區議會推地區性別工作,所以如果區議會本身做唔好,更加唔可以期望政府在推動性別平等上有甚麼進步。希望婦委會和區議會認真推動政府部門的性別教育工作，唔好得個講字。

陳捷貴區議員自己是性別盲，仲要笑人哋，已經夠愚昧，陪笑那些也是無知，呢啲行為係家庭崗位歧視。議員真係應該認真想想自己的態度，有無製造左一個令男女平等不能發生的環境。

---

香港獨立媒體的報導

〈許智峯攜女兒開會遭建制派狙擊〉

【即時】(19:27) 中西區區議會正討論重置皇后碼頭，民主黨許智峯表示，因為沒有預料會議嚴重超時，未有安排女兒作託兒服務。區議會主席葉永成質疑其做法，要求許把女兒帶到公眾席，由秘書處職員代為照顧。許智峯表示希望能酌情處理，女兒在十多分鐘後將有家人接走。

另一區議員陳捷貴更聲言要跟進，稱不可破壞會議常規。陳捷貴指 ：「如果第日我又帶個『咩野』嚟開會，咁又得唔得呢？」他說完後，多名議員大笑。

許智峯對獨媒記者表示，帶女兒前來開會「純屬巧合」。他指平日學校容許女兒留到七點，太太今日臨時有事，他亦沒有預計今日區會超時甚久，考慮女兒乖巧，不會干擾會議進行，故短暫帶來一起開會。

對於有議員指帶子女來區會違反常規，許智峯表示不擔心被狙擊，又指這種說法不近人情。他強調今日是在多個巧合下才會帶女兒前來，情況不會經常出現：「無理由放低佢係街邊」。

記者：麥馬高